Slökkvilið Grindavíkur var kallað út vegna elds sem logaði í sófa í íbúðarhúsnæði í bænum í morgun. Einn maður var í íbúðinni og var hann kominn út þegar slökkvilið bar að garði. Greiðlega gekk að ráða niðurlögum eldsins og þá sakaði engan.
Slökkviliðinu barst tilkynning um eldinn kl. 5:18 í morgun í húsinu, sem er tvílyft timburhús. Einhverjar skemmdir urðu í íbúðinni af völdum elds og reyks.
Eldsupptök eru ókunn.
Metanól er brennanlegur vökvi sem hefur þann ókost fyrir slökkviliðsmenn að sjást ekki við ákveðnar aðstæður, til dæmis í sól og einnig þegar vökvinn brennur einn og sér.
Gerð var tilraun með því að kveikja í 50 lítrum af metanóli í stálbakka og voru slökkviliðsmenn frá Slökkviliðinu á Akranesi til aðstoðar með hitamyndavél sem nemur eldinn og einnig mælir vélinn hitastigið í brunanum.
Það kom vel fram að það er ekki hægt að sjá metanól-eld við þessar aðstæður og mjög lítil hitageislun er frá eldinum sem skapar mikla hættu fyrir slökkviliðsmenn við slökkvistörf, sem geta átt það á hættu að verða ekki varir við eldinn fyrr en of nálægt er komið. Einnig er ekki hægt að gera sér grein fyrir því hvernig slökkviefni er beitt að metanól-eldi nema með hitamyndavél.
Á myndskeiðunum kemur vel fram hvernig hitamyndavélin sér eldinn en mannsaugað ekki. ATH það verður að smella á myndirnar til að sjá myndskeiðin.
Í gærkvöldi fór fram fyrsta haustæfing slökkviliðsins.
Það sem var tekið fyrir á æfingunni var reykköfun og vinnubrögð á klippubúnaði.
Skipt var í tvo hópa og annar hópurinn fékk það verkefni að klippa bíl í sundur, þar voru öll tæki og tól sem eru til staðar í klippuskáp prófaðar.
Hinn hópurinn fór í reykköfun í æfingaskúrnum á lóð slökkvistöðvar þar sem menn fengu það verkefni að leita að dúkkum og var vel tekið á því.
Nokkrir vaskir slökkviliðsmenn tóku sig til um helgina og merktu forystubifreið flotans (24-131).
Eru menn að vonum mjög ánægðir með árangurinn.
Sjá myndir hér að neðan.
Slökkvilið Grindavíkur auglýsir stöður fyrir hlutastarfandi slökkviliðsmenn lausar til umsóknar.
Umsækjendur þurfa að uppfylla eftirfarandi skilyrði:
1. • Hafa góða líkamsburði, vera andlega og líkamlega heilbrigðir, reglusamir og háttvísir, hafa góða sjón og heyrn, rétta litaskynjun og vera ekki haldnir lofthræðslu eða innilokunarkennd.
2. • Hafa að lokinni reynsluráðningu aukin ökuréttindi til að stjórna vörubifreið .
3. • Hafa iðnmenntun sem nýtist í starfi slökkviliðsmanna eða sambærilega menntun og reynslu.
4. • Umsækjendur þurfa að standast læknisskoðun.
Nánari upplýsingar um starfið veitir slökkviliðsstjóri í síma 660 7311.
Umsóknarfrestur er til og með 1. febrúar 2012.
Umsóknareyðublað er á http://www.grindavik.is/
Umsóknum skal skila til: Slökkviliðsstjóri, Hafnargötu 13, 240 Grindavík, eða á netfangið slokkvilid@grindavik.is
Kveikt var í ruslagámi við Bakaríið Hérsastubb við Gerðavelli eftir hádegi í dag. Búið var að slökkva eldinn með handslökkvitækjum þegar slökkviliðið kom á staðinn og voru það hárrétt viðbrögð þar sem gámurinn var staðsettur mjög nálægt stórri hurð á húsinu.
Hurðin var orðin vel heit en ekkert tjón varð á húsinu.
Miklar líkur eru taldar á að það hafi verið kveikt í gámnum þar sem það sást til krakka 
hlaupa frá vettvangi.
Félag Slökkviliðsmanna í Grindavík hefur verið með sölu á eldvarnarbúnaði á flugeldasölu björgunarsveitarinnar.
Það er einn dagur eftir í flugeldasölu sem er á föstudaginn 6.jan.
Við verðum að sjálfsögðu á staðnum með okkar sölu.
Við biðjum fólk að huga vel af öllum eldvarnarbúnaði hjá sér og koma 
endilega við hjá okkur ef það eru einhverjar spurningar varðandi notkun og þörf á slíkum búnaði.
Á nýársdagskvöld var tilkynnt um eld í ruslagámi við Grunnskóla Grindavíkur.
Ekki er vitað um eldsupptök en greiðlega gekk að slökkva eldinn, töluverðar skemmdir eru á ruslagáminum eftir eldinn.
Útkall vegna elds í nýja tjaldsvæðahúsinu.
Slökkviliðið var kallað út í morgun klukkan 5:00 vegna elds í þjónustuhúsinu á tjaldsvæðinu. Mikill reykur var í austurhluta hússins þar sem salernsaðstaðan er og fóru reykkafarar inn í húsið. Í ljós kom og kveiknað hafði í handþurrku, töluverðar reykskemmdir urðu og á vegg þar sem blásarinn var staðsettur. Ekki er vitað um eldsupptök.
Síðastliðin föstudag tók Félag Slökkviliðsmanna í Grindavík þátt í fjörugum föstudegi á Hafnargötunni, margt var um manninn á Hafnargötunni og myndaðist mikil jólastemning.
Boðið var uppá heitt súkkulaði með rjóma sem sló heldur betur í gegn.
Á laugardeginum var FSG síðan með sitt árlega opna hús, sjúkrabíllinn var með okkur í ár og voru þeir á staðnum og sýndu sinn búnað.
Kveiktur var eldur og gestum boðið að prófa að slökkva í með slökkvitæki.
Viljum við þakka öllum þeim sem kíktu við fyrir innlitið og vonandi sjáumst við aftur að ári.